CWP Europe ka nënshkruar një deklaratë të përbashkët me Komisionin Evropian, Agjencinë Shqiptare të Zhvillimit të Investimeve dhe Agjencinë Malazeze të Investimeve në mbështetje të dy projekteve të saj të rëndësishme të energjisë së rinovueshme - parku eolik i Tropojës në Shqipëri dhe parku diellor i Montechevos me bateri ruajtjeje në Mal të Zi.
Deklarata e mbështetjes për projektet e CëP Europe u nënshkrua gjatë Forumit të Investimeve BE-Ballkani Perëndimor në Tiranë, në prani të Kryeministrit të Shqipërisë Edi Rama dhe Presidentes së Komisionit Evropian Ursula von der Leyen, sipas një njoftimi për shtyp nga CWP Europe, një zhvillues kryesor i projekteve të energjisë së rinovueshme në Evropën Juglindore.
Parku eolik i Tropojës prej 600 MW vlerësohet se do kushtojë rreth 600 milionë euro.
"Ky park do të forcojë pavarësinë energjetike të Shqipërisë duke ofruar energji elektrike të pastër dhe të përballueshme, duke mbështetur strategjinë energjetike të vendit, theksoi kompania.
Në Mal të Zi, parku diellor 400 Më i Montechevo do të kombinojë prodhimin diellor me ruajtjen e energjisë në bateri, të lidhur direkt me rrjetin e ri të transmetimit 400 kV të vendit. Ai do të shfrytëzojë ndërlidhjet strategjike të Malit të Zi - duke përfshirë kabllon nënujor të energjisë për në Itali - për të maksimizuar eksportin e energjisë elektrike të pastër dhe integrimin e tij në tregun evropian të energjisë.
Një shtyllë e re energjetike për Ballkanin Perëndimor dhe Evropën
Duke folur në ceremoninë e nënshkrimit, von der Leyen theksoi rolin në rritje të Ballkanit Perëndimor në tranzicionin e energjisë së pastër të Evropës.
"Sot po nënshkruani disa investime që do ta bëjnë pikërisht këtë. Nga prodhimi i energjisë së pastër në të gjashtë partnerët e Ballkanit Perëndimor deri te ruajtja e energjisë në Mal të Zi. Ato do të ulin koston e energjisë elektrike. Dhe ato gjithashtu do të kontribuojnë në pavarësinë tonë kolektive energjetike. Ju po ndërtoni një shtyllë të re energjetike jo vetëm për Ballkanin Perëndimor. Por për të gjithë Evropën", tha von der Leyen.
Drejtori Ekzekutiv i CWP Europe, Dimitar Enchev, nënshkroi deklaratën në emër të kompanisë, së bashku me Zëvendëspresidentët Ekzekutivë Maja Turković dhe Viktor Garbev.
“Me Tropojën dhe Montechevo-n, po zhbllokojmë potencialin e madh të energjisë së rinovueshme të rajonit dhe po forcojmë bashkëpunimin në të gjithë Ballkanin Perëndimor. Ne e vlerësojmë shumë mbështetjen e Komisionit Evropian, Agjencisë së Zhvillimit të Investimeve të Shqipërisë dhe Agjencisë së Promovimit të Investimeve të Malit të Zi në avancimin e këtij vizioni të përbashkët për një të ardhme energjitike të pastër, ekonomikisht konkurruese dhe të sigurt të rajonit dhe Evropës në tërësi”, tha Enchev.
Gjatë 17 viteve të fundit, CWP ka investuar në zhvillimin e qëndrueshëm dhe tranzicionin energjetik, duke zhvilluar me sukses parqet më të mëdha të erës në rajon, përfshirë atë më të madhin në Evropë - projektin Fântânele-Cogealac prej 600 Më në Rumani. Aktualisht po zhvillon mbi 7 GW kapacitet të energjisë së rinovueshme, sipas deklaratës.
Editorial
